«ԳԱԳԻԿ ԳՐԻԳՈՐԻ ԲԱՂԴԱՍԱՐՅԱՆ» ԱՆՀԱՏ ՁԵՌՆԱՐԿԱՏԻՐՈՋ OVERPACK-Ի ԵՎ/ԿԱՄ ԲՋՋԱՅԻՆ ՀԱՎԵԼՎԱԾԻ ՕԳՏԱԳՈՐԾՄԱՆ ՊԱՅՄԱՆՆԵՐ

Սույն օգտագործման համաձայնագիրը կնքվում է «Գագիկ Գրիգորի Բաղդասարյան» անհատ ձեռնարկատիրոջ (ՀՎՀՀ՝ 28345959, հասցե՝ 0048, ՀՀ, ք.Երևան, Նորաշեն թղմ. 11 շենք, բն. 54) (այսուհետ նաև՝ Overpack կամ Ա/Ձ կամ Բջջային հավելված) և Ա/Ձ-ի սեփականությունը հանդիսացող www.overpack.am կայքէջից և/կամ Overpack բջջային հավելվածից (կայքը և բջջային հավելվածը միասին հիշատակվելիս՝ նաև Առցանց խանութ կամ Բջջային հավելված) օգտվողի (այսուհետ՝ նաև Օգտատեր) միջև (Ա/Ձ-ն և Օգտատերը միասին հիշատակվելիս՝ նաև Կողմեր) և սահմանում է Օգտատիրոջ կողմից բջջային հավելվածի միջոցով ապրանքների ձեռքբերման պայմանները և կարգը (այսուհետ՝ նաև Օգտագործման համաձայնագիր):

I. ՀԻՄՆԱԿԱՆ ՀԱՍԿԱՑՈՒԹՅՈՒՆՆԵՐ

1. Սույն համաձայնագրում օգտագործվող ներքոշարադրյալ հասկացություններն ունեն հետևյալ նշանակությունը, մասնավորապես՝

ա) Առցանց խանութ կամ Բջջային հավելված՝ App Store և/կամ Google Play հարթակներում գտնվող «Overpack» բջջային հավելվածը, որը սեփականության իրավունքով պատկանում է Ա/Ձ-ին, և որտեղ ներկայացված է առցանց պատվիրելու համար նախատեսված Ա/Ձ-ի կողմից առաջարկվող ապրանքատեսականին, վերջինիս առաքման, վճարման, վերադարձման և այլ պայմանները:

բ) կայք՝ https://www.overpack.am հասցեում գտնվող «www.overpack.am» կայքը, որը սեփականության իրավունքով պատկանում է Ա/Ձ-ին, և որտեղ ներկայացված են տեղեկություններ Ա/Ձ-ի, նրա կողմից մատուցվող ծառայությունների, App Store և/կամ Google Play հարթակներում գտնվող «Overpack» բջջային հավելվածի մասին։

գ) Ապրանք՝ Առցանց խանութում Օգտատիրոջ կողմից պատվերի ձևակերպման համար հասանելի ցանկացած ապրանք, որը ներկայացված է Առցանց խանութում:

դ) Օգտատեր՝ համացանցի միջոցով Առցանց խանութին հասանելիություն ունեցող և Առցանց խանութից օգտվող չափահաս ֆիզիկական անձ և/կամ իրավաբանական անձ։

ե) Պատվեր՝ Օգտատիրոջ կողմից Առցանց խանութում և/կամ Բջջային հավելվածում ներկայացված ապրանքի գնման համար ձևակերպված՝ Բջջային հավելվածի օգտագործման պահանջներին համապատասխանող հարցում:

զ) Առաքիչ՝ ֆիզիկական անձ և/կամ անհատ ձեռնարկատեր և/կամ իրավաբանական անձի անունից հանդես եկող վերջինիս աշխատող, ով իրականացնում է Օգտատիրոջ կողմից ձևակերպված Պատվերի մեջ նշված Ապրանքի առաքումն Օգտատիրոջը կամ նրա կողմից մատնանշված անձին։

II. ԸՆԴՀԱՆՈՒՐ ԴՐՈՒՅԹՆԵՐ

2.1. Սույն համաձայնագիրը համարվում է կնքված Օգտատիրոջ կողմից Առցանց խանութում գրանցման պահից: Պատվիրելով Ապրանք կամ Ապրանքներ Առցանց խանութի միջոցով՝ Օգտատերը համաձայնում է այդ Ապրանքի կամ Ապրանքների վաճառքի պայմաններին, որոնք սահմանված են սույն համաձայնագրով:

2.2. Օգտատերը պարտավոր է ծանոթանալ սույն համաձայնագրով սահմանված դրույթներին նախքան Առցանց խանութում գրանցվելը: Սույն համաձայնագրով սահմանված պայմանների հետ համաձայն չլինելու դեպքում Օգտատերը պետք է զերծ մնա Առցանց խանութից օգտվելուց:

2.3. Սույն համաձայնագրով նախատեսված Ապրանքի վաճառքի պայմանները, ինչպես նաև Առցանց խանութում ներկայացված Ապրանքի մասին տեղեկատվությունը հանդիսանում են հրապարակային օֆերտա:

2.4. Առցանց խանութում ևև/կամ Բջջային հավելվածում գրանցվելով և համաձայնվելով սույն համաձայնագրի պայմանների հետ՝ Օգտատերն հաստատում է, որ Ապրանքը ձեռք է բերում բացառապես անձնական, ընտանեկան, տնային և այլ կարիքների համար, որոնք կապված չեն ձեռնարկատիրական գործունեության իրականացման հետ, եթե Օգտատերն իրավաբանական անձ չէ։

2.5. Եթե Օգտատերն իրավաբանական անձ է, ապա Սույն համաձայնագրի 2.4. կետում նախատեսված պահանջը նրա նկատմամբ կիրառելի չէ։

2.6. Հավելվածում ներկայացված և «Ծխախոտային արտադրանքի օգտագործման, վաճառքի և սպառման սահմանափակումների մասին» ՀՀ օրենքի իմաստով ծխախոտային արտադրանք հանդիսացող Ապրանքը Ա/Ձ-ն վաճառում է բացառապես 18 տարին լրացած ֆիզիկական անձ հանդիսացող Օգտատերերին։

2.7. Եթե Օգտատեր ֆիզիկական անձի 18 տարին չի լրացել, ապա վերջինս չի կարող ձեռք բերել Հավելվածում ներկայացված և «Ծխախոտային արտադրանքի օգտագործման, վաճառքի և սպառման սահմանափակումների մասին» ՀՀ օրենքի իմաստով ծխախոտային արտադրանք հանդիսացող Ապրանքը։ Օգտատեր ֆիզիկական անձն ինքն է հաստատում, որ Պատվերի ձևակերպման պահին նրա 18 տարին լրացել է:

III. ԳՐԱՆՑՈՒՄ, ՊԱՏՎԵՐԻ ՁԵՎԱԿԵՐՊՈՒՄ ԵՎ ԿԱՏԱՐՄԱՆ ԺԱՄԿԵՏՆԵՐԸ

3.1. Առցանց խանութի միջոցով Պատվերների ձևակերպման համար Օգտատերը նախևառաջ պետք է գրանցվի Առցանց խանութում:

3.2. Առցանց խանութում գրանցվելիս, ի թիվս Ա/Ձ-ի կողմից պահանջվող այլ տեղեկատվության, Օգտատիրոջ կողմից պետք է տրամադրվեն հետևյալ տեղեկությունները, մասնավորապես՝

3.2.2. ֆիզիկական անձ Օգտատիրոջ դեպքում՝

- հեռախոսահամարը

- Ա/Ձ-ի կողմից կարճ հաղորդագրության (SMS) միջոցով ուղարկված ծածկագիրը,

- անուն, ազգանունը,

- ծննդյան ամսաթիվը,

- էլեկտրոնային փոստի հասցեն,

- սեռը,

- հասցեն:

3.2.3. Իրավաբանական անձ Օգտատիրոջ դեպքում՝

- ՀՎՀՀ,

- հեռախոսահամարը

- Ա/Ձ-ի կողմից կարճ հաղորդագրության (SMS) միջոցով ուղարկված ծածկագիրը,

- լիազորված անձի անուն, ազգանունը,

- ինքնությունը հաստատող փաստաթղթի տվյալները,

- էլեկտրոնային փոստի հասցեն,

- հասցեն:

3.3. Գրանցվելուց հետո Օգտատերն իրականացնում է Ապրանքի ընտրությունն Առցանց խանութում և ընտրված Ապրանքը տեղափոխում է Բջջային հավելվածում նշված զամբյուղի մեջ Պատվերի ձևակերպման համար: Օգտատերը մինչև Պատվերի հաստատումը կարող է ինքնուրույն հեռացնել և ավելացնել Ապրանքները զամբյուղից։

3.4. Առցանց խանութում տեղադրված լուսանկարները կարող են որոշակիորեն տարբերվել իրական Ապրանքից: Ապրանքն ուղեկցող նկարագրությունները կամ բնութագրերը սպառիչ չեն և կարող են պարունակել անճշտություններ:

3.5. Ընտրելով ցանկալի Ապրանքը և տեղափոխելով այն զամբյուղի մեջ՝ Օգտատերը պարտավոր է լրացնել առաքման հասցեն։

3.6. Պատվերը ձևակերպելիս Օգտատերը պետք է տրամադրի իրական և վավեր տվյալներ, որոնք անհրաժեշտ են Պատվերի կատարման համար։ Ա/Ձ-ն պատասխանատու չէ Օգտատիրոջ կողմից տրամադրված տվյալների ճշտության և վավերականության համապատասխանության և դրանց պատճառով առաջացած հետևանքների համար:

3.7. Պատվերը հաստատելուց հետո Օգտատերը չի կարող փոխել Պատվերում նշված Ապրանքները։

3.8. Պատվերը ձևակերպելիս, ի թիվս Ա/Ձ-ի կողմից պահանջվող այլ տեղեկատվության, Օգտատիրոջ կողմից պետք է նշվեն հետևյալ տեղեկությունները՝

- առաքման ժամանակահատվածը,

- պատվերը ստացողի անունը, եթե վերջինս Օգտատերը չէ,

- լրացուցիչ հեռախոսահամար՝ ըստ անհրաժեշտության,

- վճարման եղանակը,

- բոնուս քարտի միջոցով վճարման ցանկության դեպքում՝ բոնուս քարտից գանձման ենթակա գումարի չափը,

- մեկնաբանություններ՝ ըստ անհրաժեշտության:

3.9. Պատվերի հաստատման, ինչպես նաև պատվերի հավաքման, առաքման, տեղում լինելու և ավարտված լինելու փուլերի մասին Օգտատերը տեղեկացվում է Ա/Ձ-ի կողմից վերջինիս ուղարկվող փուշ հաղորդագրությունների միջոցով:

3.10. Եթե Ա/Ձ-ի պահեստում բացակայում է զամբյուղ տեղափոխված Ապրանքը, ապա Ա/Ձ-ն այդ մասին ծանուցում է Օգտատիրոջն Առցանց խանութի միջոցով կամ որևէ այլ եղանակով:

IV. ՎՃԱՐՄԱՆ ԿԱՐԳԸ

4.1. Առցանց խանութում Ապրանքի գինը նշված է ՀՀ դրամով: Ֆիզիկական անձ Օգտատիրոջ համար Առցանց խանութում նշված Ապրանքի գինը ներառում է ՀՀ օրենսդրությամբ նախատեսված բոլոր հարկերը։

4.2. Պատվերի ընդհանուր արժեքը ձևավորվում է Օգտատիրոջ կողմից զամբյուղ տեղափոխված բոլոր Ապրանքների, ինչպես նաև դրանց առաքման և վերջնական փաթեթավորման համար օգտագործված տոպրակների արժեքի հանրագումարից: Աոաքման և պատվիրված ապրանքի փաթեթավորման համար օգտագործված տոպրակների համար գանձվող գումարի չափը նույնպես կարող է նշվել Առցանց խանութում:

4.3. Օգտատերն ունի հնարավորություն ընտրելու առաքման ժամկետը, որը չի կարող գերազանցել Պատվերը հաստատվելուց հետո 1 օրը:

4.4. Ա/Ձ-ն իրավունք ունի միակողմանիորեն փոխել Ապրանքի գինը մինչև Օգտատիրոջ կողմից Պատվերի հաստատումը:

4.5. Օգտատերը Պատվերի վճարումը կատարում է անկանխիկ եղանակով՝ Առցանց խանութում առկա վճարային համակարգի միջոցով անկանխիկ փոխանցում կատարելով։

4.6. Օգտատերն իրավունք ունի Առցանց խանութում իր անձնական էջին կցել բանկային քարտ/քարտեր:

4.7. Վճարման պայմանները վերահսկվում են երրորդ անձ հանդիսացող բանկերի, ինչպես նաև վճարահաշվարկային կազմակերպությունների կողմից, որոնց հետ համագործակցում է Ա/Ձ-ն:

4.8. Ընտրելով անկանխիկ եղանակով վճարման տարբերակը՝ Օգտատերը հաստատում է, որ տեղյակ է և համաձայն երրորդ անձ հանդիսացող բանկերի կամ վճարահաշվարկային կազմակերպությունների կանոնների հետ, և որ Ա/Ձ-ի նկատմամբ վերջիններիս կողմից սահմանված պայմանների հետ կապված որևէ առարկություն և/կամ պահանջ չունի:

4.9. Առցանց խանութում առկա վճարային համակարգի միջոցով անկանխիկ վճարման տարբերակն ընտրելիս՝ Օգտատերը պետք է վճարի պատվերում նշված գումարն ամբողջությամբ: Ոչ ամբողջական վճարման դեպքում (անբավարար վճարում կամ անբավարար միջոցներ) պատվերը չի հաստատվում և չի մշակվում համակարգում: Նման պարագայում Օգտատիրոջից որևէ գումար չի գանձվում:

V. ԱՌԱՔՈՒՄ

5.1. Ապրանքի առաքումն իրականացվում է Առաքիչների կողմից Հայաստանի Հանրապետության սահմաններում:

5.2. Առաքման ժամկետները կախված են հեռավորությունից և ճանապարհների բեռնվածությունից:

5.3. Առաքման արժեքը ներառված է Պատվերի ընդհանուր արժեքում:

5.4. Ապրանքը ստանալու պահին Օգտատերը պարտավոր է ստուգել առաքված Ապրանքի համապատասխանությունը (քանակ, որակ և այլն) Պատվերին միայն Առաքիչի ներկայությամբ:

VI. ՊԱՏՎԵՐԻՑ ՀՐԱԺԱՐՎԵԼՈՒ ԵՎ ԱՌԱՔՎԱԾ ԱՊՐԱՆՔԸ ՎԵՐԱԴԱՐՁՆԵԼՈՒ ԿԱՐԳԸ

6.1. Օգտատերն իրավունք ունի հրաժարվել պատվիրված Ապրանքից մինչև առաքման փուլի վերաբերյալ փուշ հաղորդագրություն ստանալը:

6.2. Առաքված ապրանքից Օգտատիրոջ հրաժարվելու դեպքում Ա/Ձ-ն իրավունք ունի Օգտատիրոջ կողմից փոխանցված դրամական միջոցներից պահել առաքման ծառայությունների արժեքը: Չստացված ապրանքի դիմաց Օգտատիրոջ կողմից վճարված գումարը վերադարձվում է վերջինիս՝ սույն համաձայնագրով սահմանված ժամկետներում:

6.3. Պատվերը ստանալու պահին Օգտատիրոջ կողմից անպատշաճ որակի Ապրանքներ հայտնաբերվելու կամ ստացված Ապրանքները Պատվերին չհամապատասխանելու դեպքում Օգտատերն իրավունք ունի պահանջել այդ Ապրանքները փոխարինել պատշաճ որակի Ապրանքներով կամ հրաժարվել դրանք ընդունելուց և պահանջել վերադարձնել անպատշաճ որակի Ապրանքների համար վճարված գումարը: Ա/Ձ-ն պարտավոր է այդ Ապրանքը փոխարինել Օգտատիրոջ պահանջը ստանալուց հետո մեկ օրվա ընթացքում: Եթե պահանջը ներկայացնելու պահին Ա/Ձ-ի մոտ բացակայում է փոխարինման համար անհրաժեշտ Ապրանքը, ապա Ա/Ձ-ն պարտավոր է մեկ օրվա ընթացքում տեղեկացնել Օգտատիրոջը Ապրանքի բացակայության մասին և սույն համաձայնագրով սահմանված ժամկետներում վերջինիս վերադարձնել չստացված Ապրանքի դիմաց վճարված գումարը:

6.4. Եթե Ապրանքի համար սահմանված է երաշխիքային ժամկետ, Օգտատերն իրավունք ունի Ապրանքի թերությունների հետ կապված պահանջներ ներկայացնել, եթե թերությունները հայտնաբերվել են երաշխիքային ժամկետի ընթացքում:

6.5. Առաքված ապրանքների նկարագրության, դիզայնի և/կամ ձևավորման ոչ էական տարբերությունները Առցանց խանութում ներկայացվածի հետ չեն կարող վկայել անպատշաճ որակի մասին:

6.6. Օգտատերն իրավունք չունի վերադարձնել ձեռք բերված պատշաճ որակի պարենային, ինչպես նաև ՀՀ կառավարության կողմից սահմանված վերադարձման և/կամ փոխարինման ոչ ենթակա Ապրանքները:

6.7. Օգտատերն իրավունք ունի պատշաճ որակի ոչ պարենային Ապրանքն օրենքով սահմանված ժամկետներում վերադարձնելու Ա/Ձ-ին կամ դրանք փոխարինելու այլ չափի, ձևի, գույնի կամ համանման կոմպլեկտայնության Ապրանքով` գնի տարբերության դեպքում անհրաժեշտ վերահաշվարկ կատարելով Ա/Ձ-ի հետ:

6.8. Պատշաճ որակի Ապրանքը չի կարող վերադարձվել՝

- եթե Ապրանքների պատրաստումը և մատակարարումը իրականացվել են Օգտատիրոջ հատուկ պահանջներին համապատասխան, կամ Ապրանքները անհատականացված են,

- երբ մատակարարվում են Ապրանքներ, որոնք ունեն արագ փչացման, քայքայման կամ որակի փոփոխության հատկություն,

- կապարակնքված Ապրանքների վաճառքի դեպքում, որոնք վերադարձման ենթակա չեն առողջապահական կամ հիգիենիկ նկատառումներից ելնելով, և որոնք մատակարարվելուց հետո ապակապարակնքվել են գնորդի կողմից,

- Ապրանքների վաճառքի դեպքում, որոնց մատակարարումից հետո, իրենց բնույթից ելնելով, անքակտելիորեն միախառնվում են միմյանց հետ:

6.7. Ապրանքը վերադարձնելու կամ փոխարինելու մասին Օգտատիրոջ պահանջը բավարարվում է, եթե Ապրանքը չի օգտագործվել, պահպանված են դրա սպառողական հատկանիշները և առկա են Ապրանքն Ա/Ձ-ից ձեռք բերելու մասին ապացույցներ:

6.8. Պատշաճ որակի ոչ պարենային Aպրանքը վերադարձնելու կամ փոխարինելու հետ կապված ծախսերը կատարվում են Օգտատիրոջ հաշվին:

6.9. Սույն համաձայնագրով նախատեսված դեպքերում Ապրանքի համար վճարված դրամական գումարի վերադարձման պահանջները ենթակա են բավարարման համապատասխան պահանջը ներկայացնելու օրվանից 15 օրվա ընթացքում:

6.10. Ա/Ձ-ն իրավունք ունի մերժել Առցանց խանութի միջոցով Պատվերի ձևակերպումը, եթե նախկինում Օգտատիրոջ կողմից կատարված Պատվերները չեն ստացվել վերջինիս կողմից իր մեղքով (Օգտատերը չի բացել դուռը կամ Պատվերն առաքվելու ընթացքում չի պատասխանել առաքչի զանգերին կամ նշել է առաքման գոյություն չունեցող հասցե և այլն):

VII. ԿՈՂՄԵՐԻ ԻՐԱՎՈՒՆՔՆԵՐԸ ԵՎ ՊԱՐՏԱԿԱՆՈՒԹՅՈՒՆՆԵՐԸ

7.1. Ա/Ձ-ն իրավունք ունի, մասնավորապես՝

- Օգտատիրոջ կողմից սույն համաձայնագրով սահմանված պայմանների խախտման դեպքում սահմանափակել կամ արգելել վերջինիս մուտքն Առցանց խանութ,

- պահանջել Օգտատիրոջից վճարել առաքված և վերջինիս կողմից ընդունված ապրանքի դիմաց սահմանված գումարը,

- կասեցնել և/կամ դադարեցնել և/կամ ջնջել Օգտատիրոջ հաշիվները սույն համաձայնագրի և/կամ «Գաղտնիության քաղաքականության» պահանջների և/կամ օրենսդրությամբ նախատեսված այլ պարտադիր պահանջների խախտումների համար,

- իրականացնել ՀՀ օրենսդրությունից և Օգտագործման համաձայնագրից բխող այլ իրավունքներ:

7.2. Ա/Ձ-ն պարտավոր է, մասնավորապես՝

- ապահովել Օգտատիրոջ անձնական տվյալների գաղտնիությունը՝ Առցանց խանութում տեղադրված «գաղտնիության քաղաքականության» պայմաններին համապատասխան,

- կատարել ՀՀ օրենսդրությունից և Օգտագործման համաձայնագրից բխող այլ պարտականություններ:

7.3. Օգտատերն իրավունք ունի, մասնավորապես՝

- Առցանց խանութում գրանցվելուց հետո այն օգտագործելու համար ստանալ հասանելիություն,

- օգտվել Առցանց խանութում առկա բոլոր ծառայություններից, ինչպես նաև ձեռք բերել կամ հրաժարվել Առցանց խանութում առաջարկվող ցանկացած ապրանք ձեռք բերելուց,

- Առցանց խանութի միջոցով Ա/Ձ-ի կողմից մատուցվող ծառայությունների վերաբերյալ ներկայացնել ցանկացած տեսակի հարցեր Առցանց խանութում առկա ցանկացած հաղորդակցության միջոցով,

- օգտվել Առցանց խանութից բացառապես Օգտագործման համաձայնագրով նախատեսված և ՀՀ օրենսդրությամբ չարգելված նպատակներով և կարգով,

- առանց Ա/Ձ-ին վնաս պատճառելու ջնջել հաշիվները ցանկացած ժամանակ,

- իրականացնել ՀՀ օրենսդրությունից և սույն համաձայնագրից բխող այլ իրավունքներ:

7.4. Օգտատերը պարտավոր է, մասնավորապես՝

- առաքված ապրանքի համար վճարել սույն համաձայնագրով սահմանված կարգով,

- տրամադրել լրացուցիչ տեղեկատվություն, որն անմիջական կապ ունի Առցանց խանութի կողմից մատուցվող ծառայությունների հետ,

- Առցանց խանութի օգտագործման ժամանակ պահպանել հեղինակների և այլ իրավատերերի գույքային և ոչ գույքային իրավունքները,

- չձեռնարկել որևէ գործողություն, որը կարող է ազդել Առցանց խանութի բնականոն գործունեության վրա,

- Առցանց խանութի միջոցով չտարածել ֆիզիկական և/կամ իրավաբանական անձանց վերաբերող և ՀՀ օրենսդրությամբ պահպանվող գաղտնի տեղեկատվությունը,

- խուսափել ցանկացած տիպի գործողություններից, որոնց արդյունքում կարող է խախտվել ՀՀ օրենսդրությամբ պահպանվող տեղեկատվության գաղտնիությունը,

- կատարել ՀՀ օրենսդրությունից և սույն համաձայնագրից բխող այլ պարտականություններ:

7.5. Օգտատերն իրավունք չունի, մասնավորապես՝

- Պատվեր ձևակերպել անչափահասների անունից,

- անօրինական կերպով կատարել Ապրանքի վերավաճք, եթե Օգտատերը ֆիզիկական անձ է,

- որևէ անօրինական կամ վնասակար եղանակով օգտագործել Բջջային հավելվածը կամ խանգարել Հավելվածի աշխատանքը,

- Ա/Ձ-ին կամ Բջջային հավելվածում ներկայացնել մոլորեցնող տեղեկություններ:

VIII. ՀԵՂԻՆԱԿԱՅԻՆ ԻՐԱՎՈՒՆՔԸ

8.1. Առցանց խանութի բովանդակությունը, դիզայնը, տեքստը, գրաֆիկան և ինտերֆեյսները և դրանց դասավորությունը հանդիսանում են Ա/Ձ-ի սեփականությունը:

8.2. Առցանց խանութում Օգտատիրոջ գրանցումը չի հանգեցնում Ա/Ձ-ին պատկանող մտավոր գործունեության արդյունքների և անհատականացման միջոցների նկատմամբ բացառիկ իրավունքների փոխանցմանը Օգտատիրոջը:

8.3. Առանց Ա/Ձ-ի համաձայնության վերջինիս պատկանող մտավոր գործունեության արդյունքների և անհատականացման միջոցների օգտագործումը չի թույլատրվում։

8.4. Սույն համաձայնագրի 8.3.-րդ կետի խախտում հայտնաբերելու դեպքում Ա/Ձ-ն կարող է սահմանափակել Օգտատիրոջ մուտքն Առցանց խանութ:

IX. ԿՈՂՄԵՐԻ ՊԱՏԱՍԽԱՆԱՏՎՈՒԹՅՈՒՆԸ

9.1. Ա/Ձ-ն պատասխանատվություն չի կրում Առցանց խանութի միջոցով պատվիրված ապրանքների ոչ պատշաճ օգտագործման՝ այդ թվում պահպանման ժամկետների և պայմանների խախտման և/կամ պատվերի սխալ ձևակերպման, ինչպես նաև սխալ տվյալների նշման հետևանքով Օգտատիրոջը պատճառված վնասների համար:

9.2. Ապրանքի բաղադրության մեջ կարող են ընդգրկվել այնպիսի բաղադրիչներ, որոնք առաջացնում են ալերգիկ ռեակցիաներ: Պատվիրելով ապրանքը Առցանց խանութում՝ Օգտատերն հաստատում է, որ ծանոթացել է իր ընտրած ապրանքի բաղադրությանը և դրա հետ կապված Ընկերության նկատմամբ պահանջներ չունի:

9.3. Ընկերությունը պատասխանատվություն չի կրում Օգտատիրոջ կողմից պատվերի սխալ լրացման, ինչպես նաև իր տվյալների սխալ նշման արդյունքում վերջինիս կրած վնասների համար:

9.4. Ա/Ձ-ի պատասխանատվությունը սահմանափակված է Օգտատիրոջ վերջին Պատվերի արժեքով:

9.5. Ա/Ձ-ն պատասխանատվություն չի կրում Օգտատիրոջ կրած անուղղակի վնասների համար:

X. ԱՆՀԱՂԹԱՀԱՐԵԼԻ ՈՒԺԻ ԱԶԴԵՑՈՒԹՅՈՒՆԸ

10.1. Սույն համաձայնագրով պարտավորություններն ամբողջությամբ կամ մասնակիորեն չկատարելու համար Կողմերն ազատվում են պատասխանատվությունից, եթե դա եղել է անհաղթահարելի ուժի ազդեցության հետևանքով, որը ծագել է սույն համաձայնագիրն ուժի մեջ մտնելուց հետո, և որը Կողմերը չէին կարող կանխատեսել կամ կանխարգելել։ Այդպիսի իրավիճակներից են` երկրաշարժը, ջրհեղեղը, հրդեհը, պատերազմը, ռազմական և արտակարգ դրություն հայտարարելը, քաղաքական հուզումները, գործադուլները, հաղորդակցության միջոցների աշխատանքի դադարեցումը, պետական մարմինների ակտերը, էլեկտրական էներգիայի տատանումները, անբարենպաստ եղանակային պայմանները, տեխնիկական համակարգերի խափանումները, խցանումները և այլ հանգամանքներ, որոնք անհնարին են դարձնում կամ էականորեն դժվարացնում են սույն համաձայնագրով Կողմերի պարտավորությունների կատարումը։

10.2. Անհաղթահարելի հանգամանքների ի հայտ գալու դեպքում Կողմերի պարտավորությունների կատարման ժամկետները հետաձգվում են այդ հանգամանքների և դրանց հետևանքների գործողության ժամանակին համապատասխան:

10.3. Կողմը, որի համար պարտավորության կատարումն անհնարին է դարձել կամ էականորեն դժվարացել է անհաղթահարելի ուժի ազդեցության հետևանքով, պարտավոր է անհապաղ այդ մասին տեղեկացնել մյուս կողմին:

XI. ՎԵՃԵՐԻ ԼՈՒԾՄԱՆ ԿԱՐԳԸ

11.1. Սույն համաձայնագրի կապակցությամբ ծագած ցանկացած վեճ լուծվում է բանակցությունների միջոցով:

11.2. Կողմերը փոխադարձ համաձայնությամբ Օգտագործման համաձայնագրից բխող վեճերի լուծման եղանակ են սահմանում նախապահանջային եղանակը:

11.3. Խախտում վկայակոչող կողմը ենթադրյալ խախտում թույլ տված կողմին խախտման վերաբերյալ ներկայացնում է գրավոր նախապահանջ: Նախապահանջը ստանալու պահից 15 օրացուցային օրվա ընթացքում դրա վերաբերյալ պատասխան չստացվելու կամ ներկայացված պահանջը մերժվելու դեպքում վեճը կարող է հանձնվել Հայաստանի Հանրապետության իրավասու դատարանի քննությանը:

11.4. Օգտագործման համաձայնագրի նկատմամբ կիրառելի իրավունք է հանդիսանում ՀՀ օրենսդրությունը:

XII. ԱՅԼ ԴՐՈՒՅԹՆԵՐ

12.1. Օգտագործման համաձայնագիրն ուժի մեջ է մտնում Օգտատիրոջ կողմից Առցանց խանութում գրանցման պահից: Գրանցվելով Առցանց խանութում՝ Օգտատերն հավաստում է, որ ամբողջությամբ ծանոթացել է Առցանց խանութի Օգտագործման համաձայնագրի պայմաններին, Ա/Ձ-ի Գաղտնիության քաղաքականությանը, Առցանց խանութի համակարգի գործունեությանը և որևէ առարկություն չունի դրանց վերաբերյալ:

12.2. Ա/Ձ-ն իրավունք ունի ցանկացած պահի միակողմանի փոփոխել Օգտագործման համաձայնագիրը: Համաձայնագրի նոր խմբագրությունն ուժի մեջ է մտնում Ա/Ձ-ի կողմից այն Առցանց խանութում տեղադրելու պահից: Յուրաքանչյուր պատվեր Առցանց խանութի միջոցով ձևակերպելիս Օգտատերն հավաստում է, որ ծանոթացել և համաձայն է տվյալ պահին Առցանց խանութում առկա Օգտագործման համաձայնագրի խմբագրությանը:

12.3. Համաձայնագրի որևէ մասի գործողության դադարեցումը, չեղյալ հայտարարելը կամ անվավերությունը չի հանգեցնում մյուս մասերի դադարեցմանը, չեղյալ հայտարարելուն կամ անվավերությանը:

12.4. Օգտատիրոջ և Ա/Ձ-ի միջև հարաբերությունների նկատմամբ ի թիվս այլոց կիրառելի են ՀՀ քաղաքացիական օրենսգրքով սահմանված մանրածախ առուվաճառքին վերաբերող, ինչպես նաև «Սպառողների իրավունքների պաշտպանության մասին» ՀՀ օրենքով սահմանված դրույթները:

12.5. Սույն համաձայնագիրը կազմված է հայերենով, ռուսերենով և անգլերենով և պարտադիր է Կողմերի համար։ Հայերեն, ռուսերեն և անգլերեն տեքստերի միջև տարընթերցումների դեպքում առավելությունը տրվում է Օգտագործման համաձայնագրի հայերեն տարբերակին:

XIII. ՀՐԱԺԱՐՈՒՄՆԵՐ

13.1. Ծառայությունները տրամադրվում են ,ինչպես կան:

13.2. Overpack-ը պատասխանատու չէ երրորդ կողմերի ձախողումների համար (բանկ, առաքիչներ):

13.3. Չկա անխափան մուտքի երաշխիք:

XIV. ՊԼԱՏՖՈՐՄԻ ԿԱՆՈՆՆԵՐԻ ՊԱՀՊԱՆՈՒՄ

14.1. Overpack-ը պահպանում է Google Play-ի քաղաքականությունները (ներառյալ Տվյալների անվտանգություն և ծխախոտի սահմանափակումներ):

14.2. Overpack-ը պահպանում է Apple-ի App Store-ի ուղեցույցները (ներառյալ Հավելվածների ստուգման ուղեցույցներ, Գաղտնիության սննդային պիտակներ):

14.3. Հավելվածի բոլոր նկարագրությունները, էկրանի լուսանկարները և գովազդները ճշգրիտ արտացոլում են ֆունկցիոնալությունը:

XV. ԾԽԱԽՈՏԻ ՄԱՍԻՆ ՀՐԱՋԱՐՈՒՄ

Ծխախոտի մասին իրավական նշումներ

15.1 Հավելվածը չի գովազդում և չի խրախուսում նարգիլեի օգտագործումը։

15.2 Չեն արվում որևէ հայտարարություններ, որոնք կարող են մատնանշել սոցիալական, հոգեբանական կամ առողջական օգուտներ։

15.3 Համաձայն Հայաստանի Հանրապետության օրենսդրության՝

«Ծխելը վնասակար է առողջության համար։ Այս արտադրանքը նախատեսված է միայն չափահասների (18+) համար»։