OVERPACK-Ի ԳԱՂՏՆԻՈՒԹՅԱՆ ՔԱՂԱՔԱԿԱՆՈՒԹՅՈՒՆ

I. ԸՆԴՀԱՆՈՒՐ ԴՐՈՒՅԹՆԵՐ

Սույն գաղտնիության քաղաքականությունը (այսուհետ նաև՝ Գաղտնիության քաղաքականություն) տարածվում է այն տեղեկատվության նկատմամբ, որը «Գագիկ Գրիգորի Բաղդասարյան» անհատ ձեռնարկատերը (ՀՎՀՀ՝ 28345959, հասցե՝ 0048, ՀՀ, ք.Երևան, Նորաշեն թղմ. 11 շենք, բն. 54) (այսուհետ նաև՝ Overpack կամ Ա/Ձ կամ Բջջային հավելված) կարող է ստանալ Ա/Ձ-ին պատկանող www.overpack.am կայքէջից և/կամ Overpack բջջային հավելվածից (այսուհետ նաև՝ Առցանց խանութ) օգտվողի (այսուհետ նաև՝ Օգտատեր) (Ա/Ձ-ի և Օգտատիրոջ համատեղ հիշատակման դեպքում այսուհետ կկոչվեն Կողմեր) վերաբերյալ։

Ա/Ձ-ն չի վերահսկում և/կամ պատասխանատվություն չի կրում երրորդ անձանց այն կայքերի և/կամ բջջային հավելվածների համար, որոնցով Օգտատերը կարող է անցնել Առցանց խանութում առկա հղումներով։

Գրանցվելով Առցանց խանութում և/կամ Ա/Ձ-ին փոխանցելով իր անձնական տվյալները՝ Օգտատերն անվերապահորեն համաձայնվում է սույն քաղաքականության և դրա պայմանների հետ: Գաղտնիության քաղաքականության որևէ պայմանի հետ համաձայն չլինելու դեպքում Օգտատերը պետք է զերծ մնա Առցանց խանութից օգտվելուց:

Ընկերությունն Օգտատիրոջ անձնական տվյալները հավաքում է այն ժամանակ, երբ վերջինս դրանք նշում է Առցանց խանութում, ուղարկում է էլեկտրոնային փոստով կամ տեղեկացնում անձամբ: Անձնական տվյալների պաշտպանության մասին գործող օրենսդրության համաձայն՝ Օգտատերը կարող է ցանկացած ժամանակ պահանջել փոփոխել, թարմացնել կամ հեռացնել իր անձնական տվյալները:

II. ՍԿԶԲՈՒՆՔՆԵՐ

Սույն քաղաքականությունը հիմնված է հետևյալ սկզբունքների վրա, մասնավորապես՝

1. Տվյալների որակը.

1.1. Անձնական տվյալները պետք է՝

1.1.2. ձեռք բերվեն և մշակվեն արդար ու օրինական ճանապարհով,

1.1.3. պահպանվեն հատուկ և օրինական նպատակների համար ու չօգտագործվեն այլ նպատակներով,

1.1.4. լինեն համարժեք, համապատասխան և չգերազանցեն դրանց պահպանման նպատակների սահմանները,

1.1.5. լինեն ճշգրիտ և անհրաժեշտության դեպքում պահվեն թարմացված վիճակում,

1.1.6. պահպանվեն այնպիսի եղանակով, որը թույլ է տալիս նույնականացնել տվյալների սուբյեկտներին` ոչ ավելին, քան անհրաժեշտ է այդ տվյալների պահպանման նպատակներով:

2. Տվյալների անվտանգությունը.

2.1. Համապատասխան անվտանգության միջոցներ պետք է ձեռնարկվեն Ընկերության մոտ պահվող անձնական տվյալները պատահական կամ չթույլատրված ոչնչացումից կամ պատահական կորստից, ինչպես նաև չթույլատրված մուտքից, փոփոխումից կամ տարածումից պաշտպանելու համար:

3. Տվյալների սուբյեկտների լրացուցիչ երաշխիքները.

3.1. Օգտատերը պետք է հնարավորություն ունենա`

3.1.1. պարզելու անձնական տվյալների ավտոմատացված ֆայլի գոյությունը, դրա հիմնական նպատակները, ինչպես նաև ֆայլի վերահսկիչի ինքնությունը, բնակության և աշխատանքի հիմնական վայրերը,

3.1.2. ողջամիտ պարբերականությամբ և առանց ավելորդ հետաձգման կամ ծախսի ստանալու հաստատում, թե արդյոք իրեն առնչվող անձնական տվյալները պահպանվում են ավտոմատացված տվյալների ֆայլում, ինչպես նաև ստանալու այդ տվյալները իր համար մատչելի ձևով,

3.1.3. անհրաժեշտության դեպքում հասնելու այդ տվյալների ուղղմանը կամ ոչնչացմանը, եթե դրանք մշակվել են օրենքով սահմանված դրույթների խախտմամբ,

3.1.4. օգտվելու իրավական պաշտպանությունից այն դեպքերում, երբ հաստատման հարցումը կամ, կախված հանգամանքներից, սույն կետի 2-րդ և 3-րդ պարբերություններում նշված տվյալների ստանալը, ուղղումը կամ ոչնչացումը չեն կատարվել:

III. ԿԻՐԱՌԵԼԻ ՕՐԵՆՍԴՐՈՒԹՅՈՒՆՆ ՈՒ ՍՏԱՆԴԱՐՏՆԵՐԸ

Սույն քաղաքականությունը հիմնված և կազմված է ներքոշարադրյալ օրենսդրությանն ու ստանդարտներին համապատասխան, մասնավորապես՝

1. «Անձնական տվյալների պաշտպանության մասին» ՀՀ օրենք,

2. «Սպառողների իրավունքների պաշտպանության մասին» ՀՀ օրենք,

3. «Ծխախոտային արտադրանքի օգտագործման, վաճառքի և սպառման սահմանափակումների մասին» ՀՀ օրենք,

4. ՀՀ քաղաքացիական օրենսգիրք,

5. Google Play հարթակի մշակողների ծրագրի քաղաքականություններ, այդ թվում՝ Տվյալների անվտանգություն,

6. Apple App Store հարթակում հավելվածների ստուգման ուղեցույցներ, Գաղտնիության սննդային պիտակներ,

7. Միջազգային լավագույն պրակտիկա (GDPR սկզբունքներ)։

IV. ՀԻՄՆԱԿԱՆ ՀԱՍԿԱՑՈՒԹՅՈՒՆՆԵՐ

Սույն քաղաքականության մեջ օգտագործվող ներքոշարադրյալ հասկացություններն ունեն հետևյալ նշանակությունը, մասնավորապես՝

ա) Անձնական տվյալներ - «Անձնական տվյալների պաշտպանության մասին» ՀՀ օրենքի իմաստով «անձնական տվյալ» հանդիսացող ցանկացած տեղեկատվություն և/կամ ցանկացած այլ տեղեկատվություն և/կամ տեղեկություն Օգտատիրոջ մասին, որը թույլ է տալիս կամ կարող է թույլ տալ ուղղակի կամ անուղղակի նույնականացնել անձը,

բ) Անձնական տվյալների մշակում - ցանկացած գործողություն կամ գործողությունների ամբողջություն, որը կապված է անձնական տվյալների հավաքման, գրանցման, համակարգավորման, կազմակերպման, պահպանման, օգտագործման, փոփոխման, վերականգնման, փոխանցման, ուղղման, արգելափակման, ոչնչացման հետ և/կամ այլ գործողություններ անձնական տվյալների հետ, անկախ դրանց կատարման ձևից և մեթոդից (ներառյալ ավտոմատացված և/կամ ցանկացած տեխնիկական միջոցների կիրառման և/կամ մեխանիկական եղանակով),

գ) Անձնական տվյալների փոխանցում երրորդ անձանց - գործողություն, որը ուղղված է անձնական տվյալների փոխանցմանը երրորդ կամ որոշակի կամ անորոշ անձանց շրջանակի ծանոթացմանը դրանց հետ, ներառյալ դրանց հրապարակումը միջոցառումներում, տեղադրումը տեղեկատվական հաղորդակցության ցանցերում կամ այլ անձանց անձնական տվյալներին մուտքի ապահովումը այլ միջոցներով,

դ) Անձնական տվյալների օգտագործում - գործողություն, որը կատարվում է անձնական տվյալների հետ ուղղակի կամ անուղղակի նպատակով որոշումներ կայացնելու, կարծիք ձևավորելու, իրավունքներ ստանալու, արտոնություններ տրամադրելու, իրավունքներ սահմանափակելու կամ զրկելու, որը հանգեցնում է կամ կարող է հանգեցնել իրավական հետևանքների տվյալների սուբյեկտի կամ երրորդ անձանց համար կամ այլ կերպ ազդում է նրանց իրավունքների և ազատությունների վրա,

ե) Անձնական տվյալների ոչնչացում - գործողություն, որի արդյունքում անհնար է վերականգնել տեղեկատվական համակարգում առկա անձնական տվյալների բովանդակությունը,

զ) Օգտատեր - չափահաս ֆիզիկական անձ և/կամ իրավաբանական անձ և/կամ անհատ ձեռնարկատեր, ով մուտք է գործում www.overpack.am կայքէջ և/կամ օգտագործում է Overpack բջջային հավելվածը:

է) Անձնական տվյալների պաշտպանություն - տեխնիկական, կազմակերպական և կազմակերպական-տեխնիկական միջոցառումների համալիր, որն ուղղված է որոշակի կամ որոշելի անձնական տվյալների սուբյեկտին վերաբերող տեղեկությունների պաշտպանությանը:

ը) կայք - https://www.overpack.am հասցեում գտնվող «www.overpack.am» կայքը,

թ) բջջային հավելված - App Store և/կամ Google Play հարթակում գտնվող «Overpack» բջջային հավելվածը։

V. ՏԱՐԻՔԱՅԻՆ սահմանափակումներ

Հավելվածի միջոցով «Ծխախոտային արտադրանքի օգտագործման, վաճառքի և սպառման սահմանափակումների մասին» ՀՀ օրենքի իմաստով ծխախոտային արտադրանք ձեռք բերող ֆիզիկական անձինք ծխախոտային արտադրանքը ձեռք բերելու պահին պետք է լինեն 18 և ավելի տարեկան:

Հավելվածից օգտվող ֆիզիկական անձ Օգտատերն պատասխանատու է նշված տարիքի ճշտության համար, քանի որ Ա/Ձ-ն չի կատարում ֆիզիկական անձանց տարիքի լրացուցիչ ստուգում։

Ա/Ձ-ն պատասխանատվություն չի կրում ֆիզիկական անձ Օգտատիրոջ կողմից ոչ հավաստի և/կամ թերի և/կամ սխալ և/կամ դիտավորյալ խեղաթյուրված տեղեկությունների, այդ թվում՝ Օգտատեր ֆիզիկական անձի տարիքի վերաբերյալ, պատճառով վրա հասած հետևանքների համար։

Ա/Ձ-ն ուղղակի և/կամ անուղղակի եղանակով չի հավաքում տվյալներ անչափահասներից:

VI. ԱՆՁՆԱԿԱՆ ՏՎՅԱԼՆԵՐ, ՈՐՈՆՔ ՍՏԱՆՈՒՄ ԵՎ ՄՇԱԿՈՒՄ Է Ա/Ձ-Ն

Օգտատիրոջ կողմից Overpack բջջային հավելվածից օգտվելիս վերջինս Ա/Ձ-ին տրամադրում է հետևյալ անձնական տվյալները, մասնավորապես՝

Ֆիզիկական անձանց դեպքում՝

անուն, ազգանուն,

հեռախոսահամար,

հասցե,

էլեկտրոնային փոստի հասցե,

ծննդյան ամսաթիվը,

բանկային ռեկվիզիտները,

բջջային հավելվածում Օգտատիրոջ կատարած գնումների պատմությունը,

բջջային հավելվածում Օգտատիրոջ նախընտրած ապրանքների ցանկը,

առաքման հասցեները և առաքման համար Օգտատիրոջ կողմից տրամադրված այլ տեղեկատվությունը,

Օգտատիրոջ էլեկտրոնային և այլ նամակագրությունը Ա/Ձ-ի, Ա/Ձ-ի աշխատողների և Օգտատիրոջ պատվերի ձևակերպման և կատարման հետ առնչվող այլ անձանց միջև,

այլ ցանկացած տեղեկատվություն, որն անհրաժեշտ է Օգտատիրոջ պատվերի ձևակերպման և կատարման համար:

Իրավաբանական անձանց դեպքում՝

իրավաբանական անձի անվանումը,

ՀՎՀՀ

հեռախոսահամար,

հասցե,

էլեկտրոնային փոստի հասցե,

բանկային ռեկվիզիտները,

բջջային հավելվածում Օգտատիրոջ կատարած գնումների պատմությունը,

բջջային հավելվածում Օգտատիրոջ նախընտրած ապրանքների ցանկը,

առաքման հասցեները և առաքման համար Օգտատիրոջ կողմից տրամադրված այլ տեղեկատվությունը,

Օգտատիրոջ էլեկտրոնային և այլ նամակագրությունը Ա/Ձ-ի, Ա/Ձ-ի աշխատողների և Օգտատիրոջ պատվերի ձևակերպման և կատարման հետ առնչվող այլ անձանց միջև,

իրավաբանական անձի գործադիր և/կամ ղեկավար մարմնի և/կամ այդ իրավաբանական անձի աշխատողի կամ աշխատողների անուն, ազգանունը, անձնագրի և/կամ նույնականացման քարտի տվյալները, հեռախոսահամար, հասցե, էլեկտրոնային փոստի հասցե,

այլ ցանկացած տեղեկատվություն, որն անհրաժեշտ է Օգտատիրոջ պատվերի ձևակերպման և կատարման համար:

Օգտատիրոջ կողմից Overpack բջջային հավելվածից օգտվելիս վերջինս Ա/Ձ-ին տրամադրում է ավտոմատ հավաքվող հետևյալ տվյալները, մասնավորապես՝ տվյալները, որոնք ավտոմատ կերպով փոխանցվում են Ա/Ձ-ին բջջային հավելվածից օգտվելու ընթացքում, Օգտատիրոջ սարքի (բջջային հեռախոս, համակարգիչ և այլն) վրա տեղադրված ծրագրային ապահովման միջոցով, դրանք են՝

Օգտատիրոջ կողմից բջջային հավելվածում կատարված գործողությունները, այցելության ժամանակահատվածը,

սարքի տվյալները՝ օպերացիոն համակարգը, մոդելը

բրաուզերի տեսակը,

սարքի տեսակը,

IP հասցեն,

սխալների գրանցամատյաններ, սխալների ախտորոշում,

cookie-ների այլ տվյալներ:

Օգտատիրոջ կողմից Overpack բջջային հավելվածից օգտվելիս վերջինս Ա/Ձ-ին տրամադրում է երրորդ անձանց հետևյալ տվյալները, մասնավորապես՝

վճարային պրոցեսորներ, գործարքի կարգավիճակ,

առաքման մատակարարներ, պատվերի կարգավիճակ, ստացման հաստատում։

VII. ՕԳՏԱՏԻՐՈՋ ԱՆՁՆԱԿԱՆ ՏՎՅԱԼՆԵՐԻ ՀԱՎԱՔՄԱՆ ԵՎ ՄՇԱԿՄԱՆ ՆՊԱՏԱԿՆԵՐԸ

Ա/Ձ-ն հավաքում և պահպանում է միայն այն անձնական տվյալները, որոնք անհրաժեշտ են ծառայությունների մատուցման և/կամ Օգտատիրոջ հետ կնքված պայմանագրերի կատարման համար:

Ա/Ձ-ն օգտագործում է Օգտատիրոջ անձնական տվյալները հետևյալ նպատակներով, մասնավորապես՝

Օգտատիրոջ նույնականացում,

Օգտատիրոջը ծառայությունների անհատականացված ռեսուրսների հասանելիության տրամադրում,

Օգտատիրոջ հետ հետադարձ կապի հաստատում, ներառյալ բջջային հավելվածի օգտագործման հետ կապված ծանուցումների, հարցումների ուղղում, Օգտատիրոջ կողմից ուղարկված հարցումների և հայտերի մշակում, պատվերների առաքում,

Օգտատիրոջ հետ պայմանագրերի կնքում, կատարում և պատվերների ձևակերպում,

Օգտատիրոջ կողմից տրամադրված անձնական տվյալների հավաստիության և ամբողջականության հաստատում,

Բջջային հավելվածի օգտագործման հետ կապված խնդիրների առաջացման դեպքում Օգտատիրոջը արդյունավետ տեխնիկական աջակցության տրամադրում,

Օգտատիրոջ համաձայնությամբ վերջինիս գովազդային հաղորդագրությունների ուղարկում,

Բջջային հավելվածի աշխատանքի որակի բարելավում, դրանց օգտագործման հարմարավետություն, նոր ծառայությունների մշակում,

խարդախության հայտնաբերման և անվտանգության համար,

մարքեթինգի համար (բացահայտ համաձայնության դեպքում),

այլ նպատակներով, որոնք կարող են նախատեսվել Կողմերի միջև կնքված պայմանագրով, ինչպես նաև ՀՀ օրենսդրությամբ:

VIII. ԱՆՁՆԱԿԱՆ ՏՎՅԱԼՆԵՐԻ ՄՇԱԿՄԱՆ ԵՎ ԵՐՐՈՐԴ ԱՆՁԱՆՑ ՓՈԽԱՆՑՄԱՆ ՊԱՅՄԱՆՆԵՐԸ

Օգտատերերի անձնական տվյալների մշակումն իրականացվում է «Անձնական տվյալների պաշտպանության մասին» ՀՀ օրենքին համապատասխան:

Օգտատիրոջ անձնական տվյալների մշակումն իրականացվում է առանց ժամկետի սահմանափակման, ցանկացած օրինական եղանակով, այդ թվում` անձնական տվյալների տեղեկատվական համակարգերում` ավտոմատացման միջոցների օգտագործմամբ կամ առանց նման միջոցների օգտագործման:

Օգտատիրոջ ամբողջ անձնական տվյալների նկատմամբ պահպանվում է գաղտնիությունը և ապահովվում անվտանգությունը:

Ա/Ձ-ն իրավունք ունի Օգտատիրոջ անձնական տվյալները փոխանցել երրորդ անձանց` այդ թվում սուրհանդակային և փոստային կապի և առաքման ծառայություններ մատուցողներին և այլ անձանց, հետևյալ դեպքերում`

Օգտատերը նման գործողությունների կատարման համար տվել է իր համաձայնությունը,

փոխանցումն անհրաժեշտ է Օգտատիրոջ կողմից բջջային հավելվածից օգտվելու կամ Օգտատիրոջ հետ կնքված պայմանագրի կատարման համար,

Ա/Ձ-ի իրավունքների և օրինական շահերի պաշտպանությունն ապահովելու նպատակով,

օրենքով սահմանված այլ դեպքերում:

Բջջային հավելվածը կարող է պարունակել հղումներ այլ կայքերի, որոնք չեն կառավարվում Ա/Ձ-ի կողմից: Եթե Օգտատերն անցնում է հղումով, ապա նա հայտնվում է երրորդ անձին պատկանող կայքում: Ա/Ձ-ն խորհուրդ է տալիս Օգտատիրոջը յուրաքանչյուր կայքում, որը նա այցելում է, առանձին ծանոթանալ տվյալ կայքի գաղտնիության քաղաքականությանը: Ա/Ձ-ն չունի վերահսկողություն և չի ստանձնում պատասխանատվություն երրորդ անձանց կայքերի և/կամ դրանց պայմանների բովանդակության, գաղտնիության քաղաքականության կամ գործողությունների համար:

Սույն քաղաքականության իմաստով երրորդ անձինք են հանդիսանում՝

- վճարային համակարգերի պատասխանատուները (օրինակ՝ «Ամերիաբանկ» ՓԲԸ-ի Ameriabank համակարգը),

- առաքման և/կամ մատակարարում իրականացնող անձինք (լիցենզավորված փոխադրումներ իրականացնող անձինք (առաքիչներ)),

- պետական և/կամ տեղական ինքնակառավարման մարմինները (անկախ դրանց կազմակերպաիրավական ձևից և առանց որևէ բացառության), օրենքով սահմանված դեպքերում։

Սույն պարբերությունում թվարկված երրորդ անձանց ցանկը սպառիչ չէ և որևէ դեպքում այն չի կարող մեկնաբանվել այնպես, որ վերջինս բացառում է անձնական տվյալներն այլ անձանց փոխանցելու հնարավորությունը։

Ա/Ձ-ն երաշխավորում է, որ Օգտատերերի անձնական տվյալների բացահայտումը և/կամ երրորդ անձանց փոխանցումն իրականացվում է բացառապես սույն քաղաքականության մեջ նշված նպատակների համար։

Ա/Ձ-ն երաշխավորում է, որ Օգտատերերի անձնական տվյալների բացահայտումը և/կամ երրորդ անձանց փոխանցումը չի իրականացնում և չի իրականացնելու շահույթ ստանալու նպատակով, օրինակ՝ Ա/Ձ-ն երբեք չի իրականացնում և երբեք չի իրականացնելու անձնական տվյալների վաճառք։

Օգտատերերի անձնական տվյալները պահպանվում են Հայաստանի Հանրապետությունում: Հայաստանի Հանրապետության տարածքից դուրս անձնական տվյալների մշակման դեպքում դրանց նկատմամբ կիրառելի են Ստանդարտ պայմանագրային դրույթները կամ դրանց համարժեք երաշխիքները:

IX. ՕԳՏԱՏԻՐՈՋ ԱՆՁՆԱԿԱՆ ՏՎՅԱԼՆԵՐԻ ՊԱՇՏՊԱՆՈՒԹՅԱՆ ՀԱՄԱՐ ԿԻՐԱՌՎՈՂ ՄԻՋՈՑՆԵՐԸ

Անձնական տվյալների մշակման ժամանակ Ա/Ձ-ն ձեռնարկում է անհրաժեշտ իրավական, կազմակերպական և տեխնիկական միջոցներ անձնական տվյալների պաշտպանության համար, մասնավորապես՝ ոչ իրավաչափ կամ պատահական հասանելիությունից, ոչնչացումից, փոփոխությունից, արգելափակումից, կրկնօրինակումից, անձնական տվյալների տրամադրումից, տարածումից, ինչպես նաև Օգտատիրոջ անձնական տվյալների նկատմամբ այլ ոչ իրավաչափ գործողություններից՝ համաձայն անձնական տվյալների պաշտպանության վերաբերյալ օրենսդրության պահանջների:

Ա/Ձ-ն Օգտատերերի անձնական տվյալները պահպանում է հետևյալ ժամկետներում, մասնավորապես՝

- Օգտատիրոջ հաշվի տվյալները՝ բջջային հավելվածում Օգտատիրոջ գրանցումից մինչև Օգտատիրոջ կողմից և/կամ Ա/Ձ-ի կողմից Օգտատիրոջ հաշվի փակումը և/կամ ջնջումը,

- Ա/Ձ-ի և Օգտատիրոջ միջև կնքված գործարքի տվյալները՝ առանձին գործարքի և/կամ գործարքների և/կամ պայմանագրի կնքման պահից մինչև 5 տարի ժամկետով և/կամ օրենսդրությամբ նման տվյալների պահպանության համար նախատեսված ժամկետների ավարտը։

X. ԿՈՂՄԵՐԻ ԻՐԱՎՈՒՆՔՆԵՐԸ ԵՎ ՊԱՐՏԱԿԱՆՈՒԹՅՈՒՆՆԵՐԸ

Օգտատերն իրավունք ունի, մասնավորապես՝

- «Անձնական տվյալների պաշտպանության մասին» ՀՀ օրենքով սահմանված կարգով և ծավալներով ստանալ իր անձնական տվյալների մշակման վերաբերյալ տեղեկատվություն,

- Ա/Ձ-ից պահանջել անձնական տվյալների հստակեցում, արգելափակում կամ ոչնչացում այն դեպքում, երբ անձնական տվյալները թերի են, հնացած, պարունակում են անճշտություններ, ձեռք են բերվել և օգտագործվում են հայտարարված նպատակների և օրենսդրությամբ սահմանված պահանջների խախտումներով,

- հետ կանչել անձնական տվյալների մշակման համար տրված համաձայնությունը: Օգտատերը պետք է հաշվի առնի, որ անձնական տվյալների տրամադրումից հրաժարվելը, անձնական տվյալների մշակման համար Ա/Ձ-ին համաձայնություն տրամադրելուց հրաժարվելը կամ նախկինում տրված համաձայնությունը հետ կանչելը կարող են հանգեցնել Օգտատիրոջ նկատմամբ Ա/Ձ-ի ունեցած պարտավորությունների հետագա կատարման անհնարինությանը:

- հարցման դեպքում ստանալ անձնական տվյալների պատճենը,

- սույն կետում նախատեսված իր իրավունքներն իրացնել համապատասխան հարցումը և/կամ դիմումը և/կամ պահանջը հասցեագրելով Ա/Ձ-ի [email protected] էլեկտրոնային փոստի հասցեին,

- օրենսդրությամբ նախատեսված այլ իրավունքներ։

Օգտատերը պարտավոր է, մասնավորապես՝

- Ա/Ձ-ին տրամադրել բջջային հավելվածից օգտվելու համար անհրաժեշտ հավաստի տեղեկատվություն,

- նախքան բջջային հավելվածի միջոցով հերթական գործարքի կատարումը, Ա/Ձ-ին տեղեկացնել իր անձնական այն տվյալների փոփոխության մասին, որոնք անհրաժեշտ են այդ գործարքի և/կամ Օգտատիրոջը ծառայության մատուցման համար,

- օրենսդրությամբ նախատեսված այլ պարտավորություններ:

Ա/Ձ-ն իրավունք ունի, մասնավորապես՝

- իրականացնել Ա/Ձ-ի կողմից օրինական ճանապարհով ստացված անձնական տվյալների մշակում՝ սույն քաղաքականությամբ սահմանված նպատակների համար,

- սահմանափակել Օգտատիրոջ հասանելիությունը իր անձնական տվյալներին այն դեպքում, եթե հասանելիությունը խախտում է երրորդ անձանց իրավունքներն ու օրինական շահերը,

- օրենսդրությամբ նախատեսված այլ իրավունքներ:

Ա/Ձ-ն պարտավոր է, մասնավորապես՝

- Օգտատիրոջ պահանջով նրան տրամադրել «Անձնական տվյալների պաշտպանության մասին» ՀՀ օրենքով նախատեսված տեղեկատվությունը,

- ոչ ամբողջական, ոչ ճշգրիտ, հնացած, անօրինական ճանապարհով ձեռք բերված կամ մշակման նպատակներին հասնելու համար ոչ անհրաժեշտ անձնական տվյալների դեպքում իրականացնել անհրաժեշտ գործողություններ դրանք ամբողջականացնելու, թարմացնելու, ուղղելու կամ ոչնչացնելու ուղղությամբ,

- օգտագործել ստացված անձնական տվյալները բացառապես Գաղտնիության քաղաքականության մեջ նշված նպատակներով,

- ապահովել Օգտատիրոջ անձնական տվյալների գաղտնիությունը,

- կատարել մշակման վերաբերյալ Գաղտնիության քաղաքականությամբ և ՀՀ օրենսդրությամբ նախատեսված այլ պարտականություններ,

- Օգտատիրոջ կողմից Ա/Ձ-ի [email protected] էլեկտրոնային փոստի հասցեին ուղարկված հարցմանը և/կամ դիմումին և/կամ պահանջին պատասխանել այն ստանալուց հետո առավելագույնը մինչև 30 օրվա ընթացքում,

- օրենսդրությամբ նախատեսված այլ պարտավորություններ։

XI. ՎԵՃԵՐԻ ԼՈՒԾՄԱՆ ԿԱՐԳԸ

Սույն գաղտնիության քաղաքականության կապակցությամբ ծագած ցանկացած վեճ լուծվում է բանակցությունների միջոցով:

Կողմերը փոխադարձ համաձայնությամբ Գաղտնիության քաղաքականությունից բխող վեճերի լուծման եղանակ են սահմանում նախապահանջային եղանակը:

Խախտում վկայակոչող կողմը ենթադրյալ խախտում թույլ տված կողմին խախտման վերաբերյալ ներկայացնում է գրավոր նախապահանջ: Նախապահանջը ստանալու պահից 30 օրվա ընթացքում դրա վերաբերյալ պատասխան չստացվելու կամ ներկայացված պահանջը մերժվելու դեպքում վեճը կարող է հանձնվել Հայաստանի Հանրապետության իրավասու դատարանի քննությանը:

Գաղտնիության քաղաքականության նկատմամբ կիրառելի իրավունք է հանդիսանում ՀՀ օրենսդրությունը:

XII. ԱՅԼ ԴՐՈՒՅԹՆԵՐ

Գաղտնիության քաղաքականությունն ուժի մեջ է մտնում Օգտատիրոջ կողմից բջջային հավելվածում գրանցման և/կամ մուտք գործելու պահից և հանդիսանում է Ա/Ձ-ին պատկանող բջջային հավելվածից օգտվելու վերաբերյալ օգտագործման համաձայնագրի անբաժանելի մասը: Գրանցվելով և/կամ մուտք գործելով բջջային հավելված՝ Օգտատերն հավաստում է, որ ամբողջությամբ ծանոթացել է Գաղտնիության քաղաքականության բովանդակությանը և որևէ առարկություն չունի դրա վերաբերյալ:

Ա/Ձ-ն իրավունք ունի ցանկացած պահի միակողմանի փոփոխել Գաղտնիության քաղաքականությունը: Գաղտնիության քաղաքականության նոր խմբագրությունն ուժի մեջ է մտնում Ա/Ձ-ի կողմից այն բջջային հավելվածում և/կամ կայքում և/կամ Առցանց խանութում տեղադրելու պահից, եթե այլ բան նախատեսված չէ Գաղտնիության քաղաքականության նոր խմբագրությամբ: Յուրաքանչյուր պատվեր բջջային հավելվածի միջոցով ձևակերպելիս՝ Օգտատերն հավաստում է, որ ծանոթացել և համաձայն է տվյալ պահին բջջային հավելվածում առկա Գաղտնիության քաղաքականության խմբագրությանը:

Գաղտնիության քաղաքականության որևէ մասի գործողության դադարեցումը, չեղյալ հայտարարելը կամ անվավերությունը չի հանգեցնում մյուս մասերի դադարեցմանը, չեղյալ հայտարարելուն կամ անվավերությանը:

Գաղտնիության քաղաքականությունը կազմված է հայերենով, ռուսերենով և անգլերենով և պարտադիր է Կողմերի համար։ Հայերեն, ռուսերեն և անգլերեն տեքստերի միջև տարընթերցումների դեպքում առավելությունը տրվում է Գաղտնիության քաղաքականության հայերեն տարբերակին:

XIII. ԾՆԱԽՈՏԻ ՄԱՍԻՆ ԻՐԱՎԱԿԱՆ ՆՇՈՒՄՆԵՐ

• Հավելվածը չի գովազդում և չի խրախուսում նարգիլեի օգտագործումը։

• Չեն արվում որևէ հայտարարություններ, որոնք կարող են մատնանշել սոցիալական, հոգեբանական կամ առողջական օգուտներ։

• Համաձայն Հայաստանի Հանրապետության օրենսդրության՝

«Ծխելը վնասակար է առողջության համար։ Այս արտադրանքը նախատեսված է միայն չափահասների (18+) համար»։